Tuesday, June 19, 2012

ЧИ



















Чи
Борооноос төрсөн мэт,
Уйтгар ээж чинь юм шиг
Үсэн дундуур чинь ганцаараа алхаад л баймаар...
Эргэн харах чинь үүлэн завсраар
нарны ганцхан цацраг асгарах өнгөтэй
Инээх чинь шинэ гутал өмссөн хүүгийн төрхтэй...
Чи намрын нэг хэсэг мэт,
эсхүл чиний нэг хэсэг намар шиг...
Навчсын дээгүүр итгэлтэй гишгэлэн орхин одогч,
Зүгээр нэг явчихгүй өөрийгөө үргэлж сануулагч
чихний гэдсээ имэрдэг үйлдлээ нүдэнд үлдээсэн
Зүүд шиг, сэрсэн ч санаанаас гардаггүй зүүд шиг чи.
Ямар их хайрын шүлэг өөрт чинь зориулагдсаныг ойлгоогүй,
юу ч болоогүй юм шиг л амьдарсан
Янжинлхам юм чи.  
Хараамаар санагдавч, харанхуйн дундаас
Хос гэнэн чинь тодроод,
Хайран нь чи.., хайртай нь би.
Ганцаардал шиг ганц, ганцаар, ганцаараа тавилант
Ганцхан хувь чи...
Чи.

2012.06.14 нд УБ хот

Sunday, June 10, 2012

ДӨРВӨН УЛИРАЛ


















Шар усны үер
Сүүдрийг минь хүртэл урсгаж одлоо...
Шаналанг ч мартуулсан их ганцаардал
Хавар

Шиврээ бороо дээвэр тогших нь
Уйтгар, уйтгар гэх шиг сонсогдохуй...
Санаа алдалт нам гүмийн завжнаас үүлгэн цухуйна
Зун

Өвгөн царсан дээрээс
Өнчин болжмор нисэв...
Навч тасрах адил
Намар

Цантсан цонхон дээр бүсгүй 
Цас зурна...
Цамцаа хэзээ тайлах бол
Өвөл
                                               2007 Түнэл